యండమూరి వీరేంద్ర నాథ్ డబ్బు టు ద పవర్ ఆఫ్ డబ్బు అనే నవలలో , ఒక పేద బడి పంతులు హీరో దగ్గరకు వచ్చి ఒక సలహా తీసుకుంటాడు . దానికి డబ్బులు చెల్లించ మంటే మళ్లీ ఇస్తాను అంటాడు . కాని మళ్లీ కనపడదు . అప్పుడు హీరో సినిమా లలోను కధల్లోనూ ఇలాంటివాళ్ళను అమాయకులుగాను మోసపోయేవాళ్లగాను చూపిస్తారు . కాని నిజ జీవితములో అవకాశము వస్తే ఎవరైనా మోసం చేస్తారు అని అనుకుంటాడు.
ఆ మధ్య నేను రాత్రి సుమారు తొమ్మిది గంటల ప్రాంతములో కారు టైరు పంక్చర్ అయింది . పక్కనే ఉన్న పంక్చర్ షాప్ కు వెళ్ళాను . అతను మీ దగ్గర జాకీ ఉందా ? అని అడిగాడు. లేదు అన్నాను. స్టేఫేనీ ఉందా? అన్నాడు. లేదు అన్నాను. వెంటనే నూట అరవై అవుతుంది అన్నాడు. నేను పంక్చర్ వేయించు కోవడం తప్ప వేరే అవకాశము లేదు అని అతను అర్ధం చేసుకున్నాడు. కాబట్టి నన్ను దోచుకున్నాడు. మామూలుగా అయితే ఏభయ్ రూపాయలు తీసుకుంటారు.
ఈసారి మళ్లీ అలాంటి పరిస్థితి వస్తే ఈసారి జాకీ, స్టేఫేనీ రెండు ఉన్నాయి అనే చెపుతాను. ఇప్పుడు స్టేఫేనీ వాడితే మరలా దీనికి పాచ్ వేయించుకోవాలి కాబట్టి , దీనికే పంక్చర్ వేయి అని చెపుతాను.
కాని నా జాకీ ఇవ్వను , నీ దగ్గర ఉన్న జాకీ తోనే పాచ్ వెయ్యి అని చెప్పాలి. నా జాకీ ఇవ్వక పోవడానికి ఏ కారణం చెప్పాలో సలహా ఇవ్వ గలరా?
No comments:
Post a Comment