Haunting Song

వెంబడించే పాట

ఒక పాత కథ గద్దర్ గారి పాట గురించి చదివాను. గద్దర్ గారి పేరు వెయ్యలేదు గాని , ఒక పెళ్లి బృందం బస్సు లో పెళ్ళికి వెళుతూ పాటలు పెట్టు కుంటారు ,అందరూ సరదాగా మాట్లాడు కుంటూ వెళ్తుంటారు. హఠాత్తుగా విప్లవ పాట వేసేసరికి అందరూ మౌనం అయిపోతారు . ఆ సాహిత్యం , స్వరము వాళ్ళను ఒక మైకం లోకి తీసుకువెలుతుంది .

ఆ కథలో లాగే నాకు ఈ పాట

నేను చదువుకునే రోజులలో ఒక సాయంత్రం ఎక్కడో దూరంగా మైకు లోంచి ఈపాటను విన్నాను. ఇది జాతర (1978)సినిమా లోనిది, ఎస్. పి. శైలజ గారు పాడారు . ఆ భావమును నేను వర్ణించలేను కాని ఒక అనిర్వచనీయ మైన అనుభూతి కలుగుతుంది . మనసంతా ఏదోలా అయిపోతుంది . గుండెలను పిండే భావన . నిజముగా అది ఏమిటో నాకే తెలియదు. పాట వినాలని మనసు ఉవ్విళ్ళు ఊరుతుంది ,కాని వింటే తట్టుకోలేను . ఇది నాకు ఇష్ట మైన పాట మాత్రము కాదు , అలా అని ఇష్టం లేదు అని చెప్పలేను . కాని చాలా బాగుంటుంది .

http://www.allbestsongs.com/telugu_songs/play-Telugu-Songs-iphone.php?plist=9001

ఇక్కడ నొక్కి ఒక సారి వినండి

మామ అల్లుళ్ళ సవాల్

ఒక ప్రేమికుడు తన ప్రేయసి తండ్రి దగ్గరకు వెళ్లి , అతని  కూతురిని తన కిచ్చి పెళ్లి చేయమని అడిగాడు .


దానికి ఆ తండ్రి తన కూతురు జీవితాంతము ఒక గాడిద తో కలిసి జీవించడం తనకు ఇష్టం లేదు అని అన్నాడు .


దానికి ఆ అబ్బాయి అందుకే గదా నాకిచ్చి పెండ్లి చేయమంటున్నాను  

దేవుడా నా కెందుకు ఇలాంటి ద్వి మనసును ఇచ్చావు ?

ఉరిని అసహ్యించుకునే నేను అజ్మల్ కసాబ్ ,అఫ్జల్ గురు ను ఉరి తీస్తే సంతోషించా ఎందుకు ?




పాకిస్తాన్ లో సరబ్జిత్ సింగ్ ను చెరసాలలో కొట్టి చంపేస్తే ఎంత ఘోరం అని ఆక్రోశించిన నేను

కాశ్మీర్ చెరసాలలో సనా ఉల్లహ్ ను కొట్టి చంపిన వినోద్ కుమార్ ని అభిమానించడం ఏమిటి?




నేను ఒకటే తప్పుకు రెండు రకాలుగా ఎందుకు స్పందిస్తున్నాను ?

అబద్దాలను కనిపెట్టే రోబో

ఒక అందమైన ఊరిలో ఒక ఆనందమైన దంపతులు , వారికి ఒక అపురూపమైన కుమారుడు . వాడికి అబద్దాలాడే దుర్గుణం . వాడికి ఆ అలవాటు మాన్పించాలని ఎన్నో ప్రయత్నాలు చేసారు , అన్నీ వ్యర్ధం అయినాయి .

 చివరకు ఒక శాస్త్రవేత్తను కలిసి అబద్దాలను కనిపెట్టే రోబో ని కొనుకొచ్చారు . ఆ రోబో సమక్షం లో ఎవరైనా అబద్దము ఆడితే వెంటనే వాళ్ళ చెంప మీద కొడుతుంది .

 ఆ రోజు ఆ కుమారుడు సినిమా కు వెళ్ళి , రాత్రి బాగా ఆలస్యం గా ఇంటికి వచ్చాడు . 

 తల్లితండ్రులు వాడిని ఆ రోబో దగ్గరికి తెచ్చి ,ఎందుకు ఆలస్యం అయింది ? అని అడిగారు .

 

స్పెషల్ క్లాసు అని అన్నాడు . వెంటనే రోబో వాడి దగ్గరకు వచ్చి చెంప మీద చెళ్ళు మని కొట్టింది  

తండ్రి వాడితో కోపంగా అబద్దాలాడ తావా ? నీ వయసంతప్పుడు నాకు అసలు అబద్దాలంటేనే తెలియదు అన్నాడు .

 

వెంటనే రోబో తండ్రి దగ్గరకు వెళ్లి చెంపమీద గట్టిగా కొట్టింది . 

ఇది చూసి భార్య ఛీ నీవే పెద్ద అబద్దాల పుట్టవు , వీడు నీ కొడుకేగా అన్నది . 

ఈ సారీ రోబో భార్య దవడ పగలకొట్టింది .

Pictures Courtesy - Google

చట్టబద్దమైన హెచ్చరిక

చట్టబద్దమైన హెచ్చరిక

ఆంధ్ర రాష్ట్రం లో ఎలక్షన్ లు దగ్గరపడుతున్నప్పటినుండి ఒక విచిత్ర పరిస్థితి ఏర్పడినది . తెలంగాణా ప్రాంతంలో తెరాస లోకి అన్ని పార్టీల నుండి దూకుతున్నారు . వీళ్ళు నిజంగా తెలంగాణా ఋణం తీర్చుకుంటా నికేనా? లేక ఎన్నికలలో పోటిచేయ్య డానికా ? కోస్తాలో వై . ఎస్ . అర్. సిపి లోకి వస్తున్నారు. అంటే అవినీతిని సమర్ధిస్తున్నారా? లేక రాజకీయ లబ్ధి కోసమా? ఈ నాయకులు పార్టీలు మారిన తర్వాత మాట్లాడే మాటలు రోతను పుట్టిస్తున్నాయి . తాజాగా ఈ రోజే పార్టీ మారిన నాయకుడు " పార్టీలు మారడం రాజకీయ వ్యభిచారము కాదు " అని అంటున్నాడు . నిజమే వ్యభిచారము చేసే వాళ్ళు అవసరార్ధం చేస్తున్నారు , పతివ్రతల్లాగా నటించడం లేదు . 

ఎలక్షన్ ల అప్పుడు కూడా అంతే కాబట్టి  ఎలక్షన్ లో ఓటు వేయడం ఎంత ముఖ్యమో సరిఅయిన వ్యక్తిని ఎన్నుకోవడం అంతే ముఖ్యము .

(cartoon courtesy : Google)

నేటి రాజకీయాలు ఒక పాత జోక్

ఇద్దరు స్నేహితులు మాట్లాడుకుంటున్నారు , అలా ఉమ్ము ఊస్తూ మాట్లాడకు మనము రాజకీయాలు 

మాట్లాడుతున్నాము అని చూసే వాళ్ళు అనుకుంటారు . కాని ఇప్పుడు రాజకీయాలు గురించి మాట్లాడాలంటే 

గాండ్రించి ఉమ్మాల్సి వస్తుంది .

మా తుజె సలాం

అమ్మలందరికి  శుభాకాంక్షలు . మదర్స్ డే సందర్భముగా తల్లి ప్రేమను చూపే ఒక చిత్రం