ముళ్ళపూడి వెంకట లమణ/ఒక్క వివరణ మా ఆలోచనలనే మార్చేసింది .

ఎమ్విఎల్ ఈయన ఎవరో తెలుసా? నూజివీడు కాలేజీ లో తెలుగు బోధకులుగా పనిచేసారు (1970 -1980 దశకములలో). ఎమ్విఎల్ పేరుతొ ఒక వార పత్రికలో బహుశా ఆంధ్ర జ్యోతి అనుకుంటా ప్రశ్నలు జవాబుల శీర్షికను నడిపేవారు. ఈయన హాస్య శైలిని చూసి  అనేక మంది ఈయనే ముళ్ళపూడి వెంకట రమణ అనుకునే వారు , అలాగే ఒకాయన మీరు ముళ్ళపూడి వెంకట రమణ ఐతే ఎం వి ఆర్ అని పెట్టుకోవాలిగాని ఎమ్విఎల్ అని ఎందుకు పెట్టుకున్నారు అని ప్రశ్నిస్తే , దానికి జవాబుగా నేను బుడుగును కదా నాకు రమణ అని పలకడం రాక లమణ అని పలుకుతాను కాబట్టి నేను ఎమ్విఎల్ అని రాసుకుంటాను అన్నారు . మన హాస్య బ్రహ్మః జంద్యాల లాగ ఈయన కూడా చిన్న వయసులోనే అనుకోకుండా చనిపోయ్యారు . 
ఒక సారి మా కాలేజీకి ముఖ్య అతిదిగా వచ్చారు . బహుశా మా తెలుగు బోధకులుతో ఉన్న అనుబంధము వలన ఐయిఉండవచ్చు ! ఆయన ఎవరో తెలుసా పరుచూరి గోపాలకృష్ణ !!! ఏంటి పండిత పుత్రా పరమ శుంఠ అనే కాదు పండిత శిష్య పరమ శుంఠ అంటున్నారా , మరి పరమానందయ్య శిష్యుల సంగతి మర్చిపోయ్యరా .
ఆ సమయములో ఆయనతో కొద్దిసేపు గడిపే అవకాశము వచ్చింది . ఆయన ఆడదంటే అలుసా( నిజం గానే అలుసు అనిపిస్తది ఆ సినిమా చూస్తే) అనే సినిమా లోని పాట " చెన్న పట్నం చిన్నదానిని చైనా బజారులో ఉన్నదానిని , పూల దుకాణం దాటి   పాలా డిపో మీదుగా , అట్టట్ట దిగి వస్తే అక్కడే మా ఇల్లు " దాని లోని అర్ధమును వివరించే టప్పటికి మాకు చాలా జ్ఞానోదయం ఐయినది . ఇహ అప్పటి నుండి కోడి గుడ్డుకు ఈకలు పీకడం మొదలుపెట్టి జంద్యాల గారు నాలుగు స్తంభాలాట సినిమా తీస్తే ఆ సినిమా పేరుని మార్చాలని , అంత బూతు పేరు ఎలా పెట్టారని గొడవ చేసాము. ఒక్క వివరణ మా ఆలోచనలనే మార్చేసింది .
ఇంతకీ నేను చెప్పొచ్చేదేమిటంటే ఏమిలేదు . కాని ఈ   ఎమ్విఎల్ గారి గురించి ఎవరైనా ఇంకా వివరములు ఇవ్వగలరా ???
అదీ నా బాధ , అర్ధమైనది గదా?